مه په حلق کې د مزري د مار پرېوځه

مه په حلق کې د مزري د مار پرېوځه

مه ممسک شه مه مسرف زده کړه له ما

يو تازه دولت موندلی

بل ځواني دريم شراب

چې دا هسې کس حاکم شي

عالمونه کا خراب

يا ږغ د سپينې تورې

کوهستان مرجع ماب

دده د نيت اثر دی

چې په درست جهان شو خور

چې خلاص کړې خدای له بنده

اوس خوشاله څه شتاب

اعدا دې شرمنده شول

لوی کرم وکړو وهاب

اشرف دې په ځای کښېناست

خدای يې تل لره کامياب

ته ناست يې په اگره کې

دا هم بويه په حساب

کړه ته گرځه په څو ورځې

سير څه و کا شهاب

خو دا درې دي بله نشته

اوس اخر دی پېچ و تاب