اورنگزيب چې آرايش د تخت و تاج کا

اورنگزيب چې آرايش د تخت و تاج کا

تخت و تاج به يې مرگی تاخت و تاراج کا

په جهان کې به يې پاتې ښه بد نوم شي

ده زده چارې د کسری که د حجاج کا

زه غمجن په عيد په جشن خبر نه شوم

که درست خلک د ډهليه ابتهاج کا

اوبه سترگو لره لاړې اور د زړه شوې

څوک به څه رنگه ژوندون په دا مزاج کا

چې په رگ مې گوتې کېږدي رنگ يې زېړ شي

طبيبان به مې په سو د رنځ علاج کا

جدايي د ما په زړه کا هسې چارې

لکه باز يې په تارو يا په دراج کا

دوه مين چې په هېواد و بله بېل شي

خدای يې څه شکل د تش سلام محتاج کا

د ما اوښې د گوگل په جوش پيدا شي

لکه اور چې له کبابه نم اخراج کا

هر ناوک چې د قضا له شسته خېژي

زما نه د خوشال زړه ورته اماج کا