په چلم کې مې دود نه شو د اشنا غم

په چلم کې مې دود نه شو د اشنا غم

لا مې جوش لکه چلم کوي سوا غم

خوشحالي د غم کمي ته وايه کېږي

د وصال په وعده کم شي د هر چا غم

خوشحالي نشته وصال کې مدهوشۍ دي

پس ددې نه وي مدام سبا بېگا غم

می نوشي د حد په هور ته رسم نوشي ده

اندېښنه کړي سړی تنگ، نه په رشتيا غم

گرد االود يې وي مرات چې غم د غم خوري

او که نه دې آيينې لره جلا غم

دا يو کيف د ملکوت دی خوشحالي ده

ناسوتي خلک يو څيز گڼي جدا غم

چې صدف نه گوهر وځي تاج ته رسي

ای حمزه څه خوشحالي ده د قضا غم