نظم
په غوښو کې د بادو دارو
خوشحال خان خټککه سړي په تن کې باد وي
چې عاجز ترې هر استاد وي
يا په غوښه يا په هډ وي
يا په دواړو کې گډوډ وي
پاڼې ښې دمړوندۍ
که اوږدې وي که لنډۍ
په اوبو کې يې دې جوشکړه
چې جوش ښه وخوري خموش کړه
نور دې موټ ورسره تل کړه
اور دې ښه ورپسې بل کړه
هغه موټ چې ښه پاسته شي
پاسته څه بلکې وراسته شي
نور دې هرڅه له اورکوز کړه
ځان دې پوه په دا رموز کړه
وچ دې واړه په غارمه کړه
موټ دې بې پاڼو پاخه کړه
ښه پيتي دې ترې پخه کړه
په دارو دې يې ترخه کړه
په سبا بيگاه دې دا خوري
تل دې څو وخته هم داخوري
د ترشۍ، بادي دې ځان
نگاه کاندي په ښه شان
چې دبادو څه زحمت وي
په دا کار به يې صحت وي