په کوم سبب چې دروازه زما نظر ښکلوي

په کوم سبب چې دروازه زما نظر ښکلوي

رابيدار نه شو اجابت که يې اثر ښکلوي

مزه د لبو مې مطلوب وه، خو رقيب شوه زما

په بې تابۍ جوړې ضياء مخ د گوهر ښکلوي

خدای زده نظر که مقناطيس که انقلاب و حشر

هوش مې فرار شولو هر يو رنگ مې نشتر ښکلوي

نظر مې ښکل کړي اننگي بوسې يې اخلي بصر

بلبل د گل له وصله پس هم خپل وزر ښکلوي

په تصور کې مې خالونه د جبين دي ديار

داسې مارغه لرم چې گل د پيغمبر ښکلوي

چې بې وفا اشنا ته ياد شوې نوم يې ستا وليکه

مړه حسرتونه دي حمزه راځي مسطر ښکلوي