په مخونو کې ښايسته مې دی ديار مخ

په مخونو کې ښايسته مې دی ديار مخ

دی حبيب دتصوير بل رخ د دلدار مخ

په ليدو يې مړاوي زړونه تازه کېږي

عطا کړی ورته رب سدا بهار مخ

چې مشام د جان مدام به معطر وي

د جانان مې دی دا هسې مشکبار مخ

شي غالب يې رعب د حسن په خوبانو

په محفل کې چې څرگند کړي گلعذار مخ

کږې وروځي دې زما ديار وگوري

که په مخ کې کتل غواړي د تلوار مخ

و حمزه ته دې رب بل مخ څرگند نه کړي

چې يې ليدلی تر څو نه وي دستار مخ