پښو کې د احساس مې بېلتانه بل کړه اورونه

پښو کې د احساس مې بېلتانه بل کړه اورونه

جوړ مې کړل وحشت په بړبوکيو کې کورونه

ونښېځه فضا د خاموشيو انتظاره

لا د نا اميديو پکې پاتې دي شورونه

عشقه په تکل چې د سراب يې بری ښه يې

او که رسي هلته ستا اوبه به شي زورونه

لار کړه د الفت رانه احساس د خودۍ ور که

يو په دوه به عقله درنه اخلمه پورونه

ولې به حمزه زما د سترگو ککۍ نه وي

بس په يو ديدن يې چې راپورې شو تورونه