پخپل فکر که واعظ نادرې وايي

پخپل فکر که واعظ نادرې وايي

بې له عشقه نوخځلې سرې وايي

رقيبان لکه دسپو، ښکلی اشنا مې

کړي را اشکي او بيا کورې کورې وايي

خوب تر څاښت که دې پرده شي چې کور نه دی

ستړيه حال دې اپوټه چيترې وايي

په هستۍ کې شور زمونږ ټولنه بويه

د شاعر دتخيل وزرې وايي

چې هر څوک د يار په سرو لبو شيدا وي

که په اور کې وي ولاړ شکرې وايي

عاشقان که په ژړا که په خندا وي

په هر حال لکه بلبل سندرې وايي

د حمزه ساده خبرې دي رازونه

د نزدې په رنگ کې لرې لرې وايي