پارسايي يې د پارسا له لاسه يووړه

پارسايي يې د پارسا له لاسه يووړه

دانايي يې د دانا له لاسه يووړه

چې مې کړې وه توبه له می خورۍ

په چشمانو يې زما له لاسه يووړه

معجزه چې دا حيا ده په دوه لب يې

لاس په لاس د مسيحا له لاسه يووړه

دلبرانو چې دعوا د دلبرۍ کړه

دا دعوا يې د هر چا له لاسه يووړه

راته پاتو دا يوه مسلماني وه

دا مې هم هغې تر سا له لاسه يووړه

ما وی زه به د عشق راز لرم په زړه کې

دا خبره مې ژړا له لاسه يووړه

چې د زړه صبر د يار له مخه غواړم

محبت مې دا دعا له لاسه يووړه

که دنورو هوښياري په عشق کې پس وړي

د خوشال يې له پخوا له لاسه يووړه