پينځه ويشتم فصل - په صحيح تعريف او تشويق د مير شکارۍ په طرز د غزل

په خوشال باندې د ښکار هوا ژوندون شوه

مرده دله که په تا باندې بېگار ده

په جهان کې لويه چار د مير شکار ده

که دا چار گورې هر کار لره په کار ده

څو قابو تلاش دا دواړه دي په ښکار کې

چار د جنگ دمړنتوب هم په دا کار ده

په هر کار کې يې حکمت هنر حاصل شي

چا چې ښه په لاس نيولې چار د ښکار ده

هره چار د نېکو بدو چې د پار ده

ومير ښکار وته په سترگو کې آشکار ده

آلوده په ډېر غم ورځ د عمر زار ده

چې په شمار د عمر نه ده ورځ د ښکار ده

ورته هيڅ د ښکار د ذوق خبرې مه کړه

د هغه سړي چې طبعه د بېکاره ده