څه که په عشق کې لاجوابه ووت

څه که په عشق کې لاجوابه ووت

ستا د محفل نه چې بې آبه ووت

زاهد د ميو نه پرهېز وکړو

څنگه نېکبخت و، له ثوابه ووت

جوړ وږو سترگو دې تالا کړو حسن

چې زړه راښکون دې له شبابه ووت

چا وغندلو په الفت کې جنون

ولې دمينې له آدابه ووت

ټولې پردې خو د خپل ځان وي زما

هغه اشنا خو بې حجابه ووت

د ويښو سترگو تصور مې کړو پوخ

ځکه غفلت زما له خوابه ووت

اوس چې وحدت شو د حمزه په نصيب

خو دښايست له انتخابه ووت