سيمې لره راځغله تهېټر پرېږده

سيمې لره راځغله تهېټر پرېږده

استعمال د ټيليگراف کړه، لېټر پرېږده

د مسواک زمانه لاړه سگرېټ راغی

اوس فېشن د لټل سټک دی هنټر پرېږده

چپړاسي که مقرر شي شکر باسه

تصور د مجسټرېټ، کلکټر پرېږده

پلار او مور فرزند او ورور فقط دوستان دي

دا موهم د محبت کرکټر پرېږده

اوس مزې دايروپلېن دی نوی نوی

بې وزرو خوار خسته دی موټر پرېږده

چې مشام دې د دماغ تر و تازه شي

دستبوسي کړه د ايکټرسو ايکټر پرېږده

اوس دې ښې نگارخانې د فلم جوړې

هلته ورشه نور منت د پېنټر پرېږده

دال خورۍ کړې داسې دل چې شوې بې داله

ای حمزه اوس راشه ماش خوره مټر پرېږده