نظم
شپږ دېرشم فصل - په بيان د زحمت د قبل قورت او دمه کې
خوشحال خان خټکدوه زحمته په کتاب کې اندراج دي
قبل قورت دمه دا دواړه لا علاج دي
قبل قورت نری چمجی لکه ويښته وي
يوه لېشت وي يا څه کم وي زيات ترې نه وي
واړه غټ د باز شان شان چمجي نور هم وي
نه چې واړه قبل قورت غوندې لړم وي
په ليدلو سره ډېر چمجي ليدل شي
په درون کې حواله د باز په دل شي
د هغو علاج به ووايم د وړاندي
عاقلان پخپل محل خبرې کاندي
د اوبو نه نزله دومی هم هر څه دي
چې دا واړه سره بېل کا پوخ هغه دي
دومۍ څه؟ دومی سيارۀ ده که پوهېږې
هيڅ دارو د دومي نشته که گروهېږې
که دمه د ټوخي دومی يا د زور کا
يا يې رنځ دی يا عقله دی چې دې شور کا
دا همه واړه علاج لري هوښياره
رنځ علت يې په دارو ځي له مير ښکاره