شپږ څلوېښتم فصل - په بيان د علاج د بادو د بازکې

قر قر باد د باز نشان دی د خشکيې

يا چې ونيسي لوی ښکار که خبر ته يې

تېز لونگ د ښځې پۍ سره آمېز کا

په نهاده يې مرغه په خوراک تېز کا

يا لږ صبر سقوطري ورکړه مرغه له

په لقمه کې چې زحمت لري هغه له

يا ريشه د دارچيني نفع لرينه

چې يې باز د پرمهرې سره وخورينه

درونج هلم سونډ هم فايده لرينه

که ميده يې باز له غوښې سره خورينه

د چار مغز غوړي هم ډېره لري نفع

که له غوښې يې باز خوري رنځ يې شي دفع

په دا رنځ کې د چارپای غوښې گنده دي

غوښې ښې د عصافير رېزه مږه دي