سندري

مسافره چي تيار سې ته سفر ته

دغه وخت به دي دا خيال راځي و سر ته

چي پر مخه به خوارۍ درځي په لار کي

هم ستړيا سته او لوږه په دې کار کي

نو به اړ يې چي څه شى در سره واخلې

هم ډوډۍ او هم به مى درسره واخلې

خو چي کله شا کوې خپل کلي کور ته

دغه وخت که دي وي مخه زموږ لور ته

پر طرف زموږ د سيمي را روان يې

نو له دغسي خوارۍ بيا په امان يې

چي له ځانه سره شى هم را وا نه خلې

ډوډۍ مه را اخله ، مى هم را وا نه خلې

موږ دا هر څه ورکوو خپل مېلمانه ته

هرکلى وايو د زړه له کومي ده

وي مېرمني مو د اور و څنګ ته ناستي

پخوي ورله ډوډۍ او پاسته پاستي

تر هر څه را لره دا خبره ښه وي

چي پر خپل غولي مو ناست را ته مېلمه وي

د خوړلو هر يو شى يې وي و مخته

په پيالو کي پراته مى يې وي و مخته

چي په لاره کي دي ګام پر ګام خطر سته

هم دي مال تلاى سي او هم بېره د سر سته