څوک چې د عقل انتها ته رسي

څوک چې د عقل انتها ته رسي

هغه د مينې ابتدا ته رسي

ستا په ککو کې التفات لټوم

څوک چې مقصود غواړي بلا ته رسي

اوښکې مې راغلې ستا د مخ په ليدو

نن ارمانونه مدعا ته رسي

لکه ډيوه په انتظار کې د يار

تش اسوېلي مې سپين سبا ته رسي

څو چې اشياء په پورته تگ پرې نه ږدي

څوک څه مطلب د ارتقا ته رسي

حيف چې گردابه زړه دې سترگه نه دی

زور دې له غرېوه مرجوڼا ته رسي

راتښتېدی نه ودرېدی شې حمزه

څه که نارې دې نا خدا ته رسي