ستا له هغې تورې تندر د اسمان ځار

ستا له هغې تورې تندر د اسمان ځار

چې برېښنا يې د کفار د سترگو شپه شوه

ای د پاک نبي کاکا د الله شېره

د پښتون درته حاضره قافله شوه

مونږ سلام کوو، سلام زمونږ قبول کړه

مونږ به ښه شو ستا دعا که راسره شوه

په هغو خاورو، کاڼو بوټو مې سلام دی

په دې مځکه هم، چې ستا په وينو سره شوه

وختونه سرگردان مې په طلب کې د رڼا

دې شپو ته ننواتې په جرگو راغلي دي

حمزه څومره به ښه وي په دې در چې شي قربان

دا اوښکې دي که دُر چې په شېبو راغلي دي