تله ده برخه د آدم په نادانۍ کې

تله ده برخه د آدم په نادانۍ کې

ماشومتوب او زړبودي او په ځوانۍ کې

ژوند د مينې وي د ژوند له عوارضو

جمعيت وي د ارمان په پرېشانۍ کې

اوس خرد يې هم مجنون دی له حرمانه

کوم يو کيف چې و په څيرې گرېوانۍ کې

ښه که وران مې زمانه لکه تصوير کا

خو که فرق مې کړي پيدا په حيرانۍ کې

له پرتو مې آيينه نه خالي کېږي

ماته ښکاري زمانه په روانۍ کې

مه خوره تېر که مې لوستی لکه د لفظ شې

بل وجود مې هم شته پټ په عريانۍ کې

حمزه کيف چې کوم په فقر کې ښکارېږي

هغه چرته ملکۍ او په خانۍ کې