تعريف د يار سوات د بازونو دميرې د ملک او د بهار د ښکار

آه د سوات د ملک بازونو

رنگا رنگ په ډېر رنگونو

چې به لوی په کې په ځان و

هم هغه د خوشال خان و

سياه پشت توره يې ژبه

پسې روح ځي له قالبه

باز هغه پېره مشتاقه

چې نيول شي په دوه طاقه

چې په تله کې راغلی

يا په قوس کې نيولی

باز همه واړه په کار دی

ولې دوه ذاته سردار دی

يو تېغون چې بې بدل وي

دوهم قير چې دده مل وي

هلک سر اوږده يې غاړه

تېز پري له هغه غواړه

کټه سر سترگې ژورې

ورته يو دي نژدې لېرې

خلته دم لنډه لکۍ

کار د چرغ کا د کوهی

باز جره چې په رنگ سور وي

هغه لا زړور باتور وي

ښه جره د ښه باز کار کا

کټه سر جره ښه ښکار کا