توراني خو د جنجال دي،د پرخاش

توراني خو د جنجال دي،د پرخاش

دروغجن ، سوگند خواره، بهتان تراش

ايراني د اشناييې د وفا دي

د خلقيت، د مرسوت دي، د معاش

پښتانه د بد نيتۍ، د خصومت دي

په حيا په شجاعت يې وکړه شاش

که بلوڅ، که هزاره واړه چرکين دي

نه يې دين، نه يې مذهب، ستر يې فاش

که هندي دي، که سيندي دي، مخ يې تور شه

نه حيا نه يې وفا، نه نان و آش

کشميري که نر که ښځې واړه هيڅ دي

د مردۍ ور څخه نشته هيڅ قماش

د آدم له نسله نه دي، گوره څه دي

دواړه ورک شه يو اوزبک بل قزلباش

لغماني، بنگښ، سواتي، تيراهي واړه

موټ، مټر، لوبيا، چڼه دي مهي ماش

هر احوال ورته ښکاره دی د وگړي

دخوشال خټک په پوهه کړه شاباش