هغه دم چې د ساقي پياله نوش کړم

هغه دم چې د ساقي پياله نوش کړم

په مستۍ يې دواړه کونه فراموش کړم

په معنی کې هم شراب يم، هم ساقي يم

طالبان د ميو شته؟ چې يې مدهوش کړم

ناصحان راته د عقل دفتر لولي

خدای به نه کا چې يې زه په ويل گوش کړم

د زاهد په صومعه کې مې زړه تنگ شو

له دې پسه به خدمت دمی فروش کړم

زه بلبله خوش نوا ددې چمن يم

په موسم د گلو څه رنگه خاموش کړم

چې په زړه يې اثر نه کېږي خوشاله!

څه فايده که تل په ورو، ورته خروش کړم