غزل
هر نا اهل مزه څه زده د خبرو
خوشحال خان خټکهر نا اهل مزه څه زده د خبرو
د خبرو لذت ښه دی تر شکرو
چې دانا يې په دانش سره انشا کا
يوه ښه خبره بهه ده تر زرو
بې استاده شاعري بې لارې تله دي
يا وه گوی گرځي په لوړو، په ژورو
د شهباز و دعنقا برابر نه دي
مچ او ماشي چې الوځي په وزرو
تفاوت د خاصو عامو سره ډېر دی
برابر نه دي شبه له مرغلرو
په چارم اسمان به ناست لکه عيسی وم
که اسمان ته الواته شوای په خبرو
عام به چېرې د خوشال په ويل پوه شي
د گوهرو قدر څه زده ښيښه گرو