هم دا يو صفت مې بس دی چې فياض يم

هم دا يو صفت مې بس دی چې فياض يم

بالاتر دهر حاسد له اعتراض يم

ماتې داړې به شې نفسه داړې ماره

پرور ده چې د فضيل بن عياض يم

کجروانو ته لشه جوړ د لړم شي

پوهه شوی په ښېگړه د اغماض يم

د حرمان غمونو زده راته حکمت کړ

زه هر چال د زمانې وته نياض يم

جوړ مسطر زما دذهن پرې معمور شو

چې خپل ځان ته فکر وکړم تش بياض يم

د رياض يوې مې شاړې کړې اوارې

د بقا له رنگه هغه رياض يم

زه حمزه که بېلتانه يمه سکښتلی

خو تلبيس درقبيانو ته مقراض يم