يار د يارۍ په سبب يار نه دی

يار د يارۍ په سبب يار نه دی

دا سر و هر چاته اظهار نه دی

ځکه اغيار وينې چې ته هم يې غير

گنې يو کس چرته اغيار نه دی

زاهد به پټه می نوشي کړي تر څو

پټ يې د خلوق نه کردار نه دی

د ظاهربينو جهالت دی نُما

ابن منصور په سر د دار نه دی

چرته عاشق دی په دنيا کې داسې

چې د اشنا ځنې ازار نه دی

ماته واعظ وايي بې کاره مدام

دا بې کاري جوړې څه کار نه دی

چې د وصال وي کله کله شراب

غم د فرقت خو څه دشوار نه دی

تا چې تش لاس کور ته واپس کړي حمزه

د بېنوا داسې سرکار نه دی