يار مې مرور دی که څوک وي چې يې پخلا کا

يار مې مرور دی که څوک وي چې يې پخلا کا

زر پاڅه ريباره زما زړه پسې بلا کا

تل به د جفا په دريابونو کې غوټې خوري

څوک چې زړه د دور په دلبرو مبتلا کا

څه گنده عالم دی، مه يې دود وای مه يې رسم

وږي په ځای پرېږدي و مړووته صلا کا

هيڅ سزا يې نه شي باندې لاس دما د زړه شوای

تورې زلفې ستا وای چې دايم د زړونو غلا کا

ستا د تورو زلفو ظالمي څه پټه نه ده

مست چې زورور وي ظالميه بر ملا کا

ته چې عاشقي کړې قبلوه په عاشقۍ کې

تل په عاشقانو باندې خلق الالا کا

ستا خونخوارو زلفو زه تنها نتلی نه يم

څو په دما خوار غوندې لا نور هسې جلا کا

راشه! که يې گورې دا په خپل جمال مغروره

څو رنگه نازونه په خوشال خلا ملا کا