ياره ستا زلفان پرېشان سوري دي

ياره ستا زلفان پرېشان سوري دي

ستا د مخ د نمر لړزان سوري دي

ای چې دې پرتو د تن هم ستا رڼا

ستا رڼا هم ستا په ارمان سوري دي

آيينه مکان په کې پرتَو شي عکس

سوري عکس، او عکس حيران سوري دي

ستا چې چا ته مخ شي عصيان چرته دی

نمر په مخ کې تل گرېزان سوري دي

ستا لمن اشنا که دا اسما نه دی

کوم طرف غايب د اسمان سوري دي

ستا ددې شملې همايوني نه ځار

ستا د مېږو پَر سلېمان سوري دي

سر د حمزه ستا له سوريو ځار (آر، زار)

ستا د سر نه څو که قربان سوري دي