وړومبی فصل - په بيان د پېژندگلوی د باز کې

باز که لوی وي هم تېز پر وي بې بها وي

د نور چا غرض پرې نشته د بادشا وي

په بازونو کې کټه باز نسه غوره

رنگ ترکيب وته يې مه گوره پسره

کټه سر او اوږې پلنې سترگې کړاغې

وږد ورمېږ لنډه لکۍ پرې نه کاغې

وږد مار سر غاړه وژده ، وږده لکۍ

باز هم دا دی سينه ور غټې پنډۍ

سترگې سری د باز نشان د شجاعت دي

کهربا سترگې دليل د ښه خصلت دي

که د باز د پوزې سر کبود نمای وي

په لکۍ کبود دليل يې د ښه رای وي

که د باز پنډۍ لنډۍ وي پُر قوت وي

چې د باز مښوکه لويه بې همت وي

د اوږو تر منځ د باز پرونه ښکارېږي

لکه سېب بهي هغه بهتر شمارېږي

چې د باز سترگې وتلې وي څه رډې

دا نشان يې د شوخۍ دیکړه ترې ډډې

باز چې ډېر خريطه دم وي د خندا وي

لږ لم څوری د لوی ښکار د نيو دا وي

ځوړند لم لنډه يې غاړه سپينې سترگې

لېنگور نری بدتر گڼه تر چرگې

که تېز پر وي دلاور وي چار دانگې

بد دي نه ترې صدقه نامرد د لانگي

زېړې پښې د باز هم نه وي خوشنمايې

ډېره وږده شا که يې ستايې که نه ستايې