ذکر د تسابيح د حاجت د نمانځه

که يې واورې تسابيح دي

په خبر سره صحيح دي

بل تسبيح تر دا په نشته

تسبيحات چې هر څه څه شته

هم تسبيح شي هم تحميد شي

هم تهليل تکبير تمجيد شي

څوک چې دا تسبيح ادا کا

آمرزش په دم پيدا کا

که يې ډېر وي گناهونه

واړه ځي په غاړه غرونه

دا تسبيح که څوک په ځله

هره ورځ لولي سل ځله

دده تن به چې هنگام شي

د دوزخ په اور حرام شي

بل تسبيح دی تل يې وايه

آمرزش غواړه له خدايه

بل تسبيح هر گوره ښه دی

چې لايق دی د هغه دی

بل تسبيح دی زما جانه

نازل شوی له رحمانه

بل تسبيح هر گوره ښه دی

چې يې لولي د هغه دی

بل تسبيح دی مسلمانه

ته يې لوله تسبيح ، جانه

د صلاة د تسابيح دی

په کتاب کښلی صحيح دی

په څلور رکعته کېږي

فاتحه سورت رغېږي

هر سورت چې وي ادا کړه

ايستاده بيا ادا دا کړه ( سبحان الله و الحمدلله و لا اله الله و الله اکبر)

دا تسبيح پنځلس ځله

په قيام کې ته ولوله

بيا رکوع لره روان شه

په رکوع کې تسبيح خوان شه

پس لس ځله يې ولوله

په قيام وکړه بيا ځله

بيا به لس ځله ولولې

و سجود ته چې به چلې