ذکر دکفارتونو په څو نوعه

په څو رنگه کفارت دی

چې ثابت په شريعت دی

يو د صوم بل دظهار دی

د يمين ور سره شمار دی

بل د قتل دی ای جانه

دا ايلا دی له قرآنه

چې مې ويلشه دا طرحه

در ته ووايم په شرحه

کفارت د يمين کوم شي

چې سوگند تر خوله معلوم شي

په درې رنگه ياد سوگند دی

کفارت يې نا څرگند دی

چې ديده دانسته لوري

کار کړي دی بيا لو خوري

کفارت د غموس نشته

په توبه يې خلاصېده شته

بل سوگند لغو باله شي

چې لو وخوري يا د هاله شي

چې سوگند مې په دروغ و

پرېشان شي په ناروغ و

چې سوگند په لغو وشي

سوگند خور يې وباخښه شي

کفارت چې د يمين دی

هغه دا رنگ تعيين دی

هر سړی چې سوگند وکا

بيا يې مات کا نور دې څه کا

يا دې لس وږي ماړه کا

يا دې پټ لس په واړه کا

يا غنم په دوه دوه منه

چې يې خوار واخلي لس تنه

يا دې يو برده آزاد کا

نور به خلاص شي زړه دې ښاد کا

که دا نه وي روژه بويه

پيوسته درې ورځې زويه

که په لس ورځې يوموړ کا

هم به کار د سوگند جوړ کا

کفارت د سوگند وشي

دروغجن خو به باله شي