ذکر علامت د بلاغت

چې په عمر دوازده شي

د هلک دې هومره زده شي

دی دې مينه په نمانځه کا

و تنبيه ده که نمونځ نه کا

نمونځ هاله ورباندې فرض شي

چې بالغ په طول و عرض شي

د بلوغ نخښې څلور دي

احتلام دی درې دا نور دې

چې په سال هژده ساله شي

يا ترې ښځه حامله شي

چې لذت د دخول مومي

جهنده مني تر درومي

بلوغت د ښځې دا دی

خيض نخښه د نسا دی

يا يې وي اوولس کاله

يا چې حمل واخلي لاله

څلورم دا روايت دی

احتلام يې بلوغت دی

هر سړی چې مکلف شي

په نمانځه دې مشرف شي

د اودس په کار دې پوه شي

چې دی بېرته له اندوه شي