زړه مې زخمي څاڅي ترې خون ما پرې پرهر ونه ليد

زړه مې زخمي څاڅي ترې خون ما پرې پرهر ونه ليد

عجيبه دا د يار په لاس کې مې خنجر ونه ليد

که مې وصلت ونه شو، خوند مې د الفت خو وليد

مېوه يې خوري په څانگه چا گل د اينځر ونه ليد

ارض و سما په کل حکمت کې د فراق په نغري

حيف دی چې زه شوم خاکستر يار مې جوهر ونه ليد

چې به يې شراب د يار د سترگو خمارو نوش کول

ځکه بل کس مې بې رندانو په کوثر ونه ليد

داسې اثر و د اشنا دبرندو سترگو په ما

وکړه ندا راته رضوان چې دې محشر ونه ليد

زه د فراق زنجير په غاړه په وطن کې يمه

تېرې شوې دوه مياشتې او ما غلام سرور ونه ليد

د بېنوا دغلامۍ مه کوه لافې حمزه

چا وفادار په دې جهان لکه قمر ونه ليد