زما زويه د ننگ نه دي نمړيټار دي

زما زويه د ننگ نه دي نمړيټار دي

پرې پوهېږم چې همه واړه مردار دي

نه يې لويه اندېښنه، نه يې لوی کار شته

دمغولو و طباخ وته تيار دي

د منصب داضافو خبرې کاندي

په عزت، په حرمت کله خبردار دي

اتفاق، يگانگي يې سره نشته

همگي روان په بېله بېله لار دي

يوڅرگند قابل هر گز په دوی کې نشته

که و دېر شو ته نږدې زما په شمار دي

په الکيش! الکيش يې ستړی کړم ښکار نه کا

دکوټه سپي کوکري په کې سه، چار دي

يو څو دي پکې هر گوره نا پکار دي

دا نور زويه مې لا لږ او ډېر په کار دي

نه د نوم دي، نه د شرم، نه دننگ دي

اندېښنې يې د ناکس، د نا سردار دي

نه له پلار ه نه پيدا دی، نه له موره

خو صندوق بوخڅې يې دواړه مور و پلار دي

چې به تلل د ناقابل سړي د وړاندې

څو دا هسې بېرقونه نگو نسار دي

شکايت له نورو مه کوه خوشاله!

چې خپل زويه هم په ننگ له تا وېزار دي