غزل ای ګله! چې ستا ډکې د خندا نه سترګې لاړې Khatir Afridi Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 ای ګله! چې ستا ډکې د خندا نه سترګې لاړې نو خود مې لرې برې د ژړا نه سترګې لاړې 02 زړګيه! پس له دې به يې د ستا په سترګو ګورم نظر مې وه اشنا چې لاړ زما نه سترګې لاړې 03 هم دا دې بدرګه شوه مه کړه ډار له راهزنانو ای ګله ورسته وړاندې مې له تا نه سترګې لاړې 04 ماوې چې که ورګورې نو اوس بيا مخ پټوي نو کوزې مې ګرېوان ته له حيا نه سترګې لاړې 05 يو بل ته په کاته شو او په زړونو زلزلې وې محفل ته چې ته راغلې د هر چا نه سترګې لاړې 06 لږ راشه شمع رويه! لږ مې وګوره چې څه شوم د ستا په تماشا کښې مې له ځانه سترګې لاړې 07 نو څه شو که مړې د خاطر سترګې په تا نه شوې چې ډېرې داسې وږې له دنيا نه سترګې لاړې Dictionary meaning × Headword
