ارمان دکاله پاڼۍ د مرغاويو

اه وای وای کاله پاڼۍ

ستا څو رنگه مرغاوۍ

مرغاوۍ دې رنگا رنگ شته

هم دې قاز هم دې کلنگ شته

د سونا ښايسته غاړې

چې يې ووينې ووياړې

باز په لاس درباندې راشي

پرې پرېږدي په ها ها شي

چې يې ونيسي بازونه

رايې واخلي کجکونه

د سوناوو کجکونه

د خوبا د زلفو ولونه

تر دريابه تر گودره

تر گودره تر کمره

په ار که وو مالامال دي

سونا هم په کې خال خال دي

نور څو ځي تر غالي ډېر

پيدا کېږي سونا ډېر

د پلو به يې څه شمار وي

څو چې ځي د بازو ښکار وي

مرغاوۍ په هر هر لور وي

سونا هم پکې لا ډېر وي

په اخر راشي سرخ پرې

هم سيخ پرې هم سرخ سرې

کښلې سترگې د هينځلې

لکه سترگې د ښې نجلې