بل نوع اعلی جلاب

راته غوږ کېږده جلاب دي

بې ضرره مستطاب دي

يو تروې، بل عشق پېچه کړه

سناء مکي، بل هليله کړه

اديلې بر هر يو واخله

زيات وکم ترې ذره ماخله

دا همه سره ميده کړه

په کاغذ کې يې سيده کړه

پتاسې دوه شېرشاهي کړه

د اوبو يې همراهي کړه

ښه شېرين شربت ترې ساز کړه

منقه په کې گداز کړه

منقه اديله بر کړه

فهم مه په کې لر بر کړه

کل دارو په شربت توی کړه

ښه يې خل په کې فروی کړه

بسم الله کړه نور يې نوش کړه

اوگره مه خوره پسې گوش کړه

تا به کښېنوي څو دسته

کل بلا به دې کړه پسته

چې فارغ شې له جلابه

کېچړي غوړ خوره بې پايابه

نه يې سوز نه يې گداز شته

نه يې عطش نه يې خمياز شته

د شاهانو مناسب دي

په معنی مصري سالب دي