بل رنگ دارو اشتها لره

اشتها لره څو څيزه

مجرب دي له تميزه

قرنفل څلور درمه

مستکي ور سره سمه

شل درمه سونډ هم بويه

واړه ښه ميده ورسويه

واړه ښه سره گډوډ کړه

دو چندان نبات پرې گډ کړه

يو کف هر کله ناشته خوره

په طعام پسې يې ته خوره

اشتها به دې رسا وي

طبيعت به دې صفا وي

شودې پۍ دوه درې لونگه

آس پرې گډ کړه له فرهنگه

که ناشته يې هر سبا خورې

ښه اعلی دي که تل دا خورې

په زوړوالي به برنا يې

خورنده به تر هر چا يې