بې د يار له مخه نه وينم په کسي

بې د يار له مخه نه وينم په کسي

دواړه کسي ملک د نمر په شغلو کې

زړه مې ستا په زلفو بند شو تا کباب کړ

څوک شهباز هم دکباب دپاره نسي؟

خدای دې ستا دغاښو، شونډو امان وکا

لال و دُر په نظرمات کا بد حرسي

ما له خپلو شونډو مه شړه بل لور ته

د حلوا له خوا نه نه درومي لوغسي

ستا د مخ په مينه سوځم، لولپه شوم

د آتش لمبه هيڅ نه پرېږدي د سسي

که يې چېرې د قدم خاورې موندای شي

خوار خوشال به يې رنجو لره رانسي