غزل چا به راکړه په پالنگ دا هسې کښلې Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چا به راکړه په پالنگ دا هسې کښلې که مې نه وای په ازل په قسمت کښلې 02 شېخ د حورو صفت کا زه د دلبرو دا زما، هغه ده دعوه پرېښلې 03 عاشقان يې صد هزار دي په هر لوري سرگشته، حيران، پرېشان، گونه ځبېښلې 04 په دربار يې سناسې شه ورته کښېنه تار په تار د سر ويښته ايرې مښلې 05 که هر څو د خلقو نجونه ښايسته دي ما يوه ده غوره چوڼ په کې وکښلې 06 لا به کله ننداره د هغه مخ کړم چې مې کډه د خاطر ده پسې لښلې 07 د هغې پيالې مستي لرم په سر کې چې پرون مې د ساقي له لاسه ځښلې 08 نه د مښکو پټېدنه، نه د عشق شته په ازل يې نه دي دا پردې پوښلې 09 چې مې تل د مخ ثنا وايې خوشاله په صله مې سپينه خوله درته بخښلې Dictionary meaning × Headword
