چې بد نه کاندي خبيث

چې بد نه کاندي خبيث

نور به څه کاندي خبيث

ځنې طمع دښو مه کړه

کله ښه کاندي خبيث

چې د بل ښې کردې ويني

ځان اوبه کاندي خبيث

که يې ځای وکړې په زړه کې

خوږ دې زړه کاندي خبيث

که دما په خوله شي خدای دې

ژر ړانده کاندي خبيث

ډېر ابله په خيانت کې

د ځان مله کاندي خبيث

ډېر ابله په خيانت کې

دځان مله کاندي خبيث

چې جهان ورځنې خلاص شي

خدای دې مړه کاندي خبيث

د مېږي غوندې خوشاله

الواته کاندي خبيث