غزل
چې بنياد يې پيدا شوی په نفاق
Khushal Khan Khattakچې بنياد يې پيدا شوی په نفاق
د هغه نه طعمه مه کړه اتفاق
چې وودلې وي په ذات توره شړۍ
سپينول يې و هر چا وته دي شاق
چې په باغ کې رنگ رنگ مېوه پيدا شي
مړغونې چې ترخه ده په ميثاق
د دانا به د ناپوه سره څه زيست شي
گونگی هيڅکله د باز نه وي مشتاق
که اخلاق ناصري په يادو وايي
په اخلاق کې به ښه نه شي بد اخلاق
د طاوس سره که زاغ په قفس بند کړې
تر وصاله يې خوشال وي په فراق