چې د پلار په بد گوييه سر شي پوت

چې د پلار په بد گوييه سر شي پوت

صد لعنت دده د مور په گنده چوت

چې د مور په چوت يې خير و برکت وي

له هغې موره به نه زېږي کپوت

بختور يې هغه پلار هغه يې مور وي

چې له موره نه فرزند زېږي ثبوت

د بد زويه ږغ د فسق و د فساد ځي

د ښه زويه ځي نارې په ملکوت

د زمري په خوی پيدا شي ځينې زويه

ځينې غواړي دگيدړ غوندې خپل قوت

چې يې نوم په جهان پاتې شي د نېکو

هغه زوی دی په جهان کې لايموت

و صورت وته يې مه غړوه سترگې

د خپل زويه خو عمل گوره کرتوب

د سپين توت چې مزه نه وي څه په کار دی

که ښه خوند لري ترې ښه گڼه تور توت

ډېر ځوانان چې احمقان دي لکه پياز دي

و خوشال ته هوښيار مښک دی پير فرتوت