چې مور پلار ځنې آزار شي، هغه عاق دی

چې مور پلار ځنې آزار شي، هغه عاق دی

د عاق زويه ځای دوزخ په اتفاق دی

هغه مور و پلار به خلاص نه وي له غمه

چې فرزند ځنې زوولی بد اخلاق دی

هغه زويه به آخر په خوارۍ خوار شي

چې ښکاره يې دخپل پلار سره نفاق دی

د اورنگ بادشاه په دور ستم دا شو

چې هر زوی دخپل پلار د سر مشتاق دی

نن هغه قطب اقطاب گڼي خپل خپسر

چې گواه يې دعاقوالي درست آفاق دی

تا خلف زويه په گور، خلف دې غواړي

هر پدر چې د پسر په اشتياق دی

دا زما هم گله ده د ټټؤانو

رايې وښيه چې کوم په کې تفچاق دی

دټټوانو نه همه ټټوگي زېږي

که ايغر يې د عرب، يا د عراق دی

د هغه اسلام اسلام نه دی خوشاله!

چې بهتر ورځنې گبر په ميثاق دی