غزل چې په روی به يې بخښل شي پاک نا پاک Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چې په روی به يې بخښل شي پاک نا پاک بل سړی نه دی، صاحب دی د لولاک 02 تر هلال يې صدقه شم تر بلاله په اخلاص يم زه د دوی د تلي خاک 03 د بو ذر او د سلمان يې دروېزگر يم تل د دوی په محبت دی زما ژواک 04 ذوالفقار يې اژدها و دوې يې ژبې چې د دين مخالفان يې وو خوراک 05 په دا هسې مېړنتوب يې فرين و چې په کار يې محمد شو فرحناک 06 که سواره يې مېړني د لښکر ډېر دي لاس زما د دلدل سوار د زين فتراک 07 د خيبر په کوټ يې هسې زور ښکاره کړ چې له ويخه يې راونړل پاک 08 محمد د علم ښهر، دی يې ور و تر قنبر يې شه خوشال خټک فداک Dictionary meaning × Headword
