چې په زلفو عنبرسا ده هغه ته يې

چې په زلفو عنبرسا ده هغه ته يې

چې په شونډو شکر خا ده هغه ته يې

چې نازک يې دی اندام د گل تر پاڼې

په قد ښه تر عر عر لا ده هغه ته يې

که هر څو شي په جهان محبوبې ډېرې

چې خوشرنگه ترهر چا ده هغه ته يې

له عذابه له وباله دې ترس نه شي

چې په دا دور تر سا ده هغه ته يې

چې اثر مې د ژړا ورباندې نه شي

چې په زړه حجر اسا ده هغه ته يې

چې تمامه شپه دې خوب په ما حرام کړ

چې دستر بلا ده هغه ته يې

چې له مينې ستا په سر لوړي خوشال دی

چې دده د سر قضا ده هغه ته يې