غزل چې سړی تر عقله تېر شي محبط شي Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 چې سړی تر عقله تېر شي محبط شي زيست روزگار دمخبط سره غلط شي 02 د حرص درياب تر شرقه دی تر غربه حريصان پکې غوټې خوري، لکه بط شي 03 نن زما بېړۍ لاهو شه په درياب کې لا به کله دا لاهو بېړۍ په شط شي 04 دته درزي جامې قدر قيمت ډېر وي د اغوستي سر وپای قدر وسط شي 05 غاښ وتلي ږيره سپينه آزمېښت دی لا زما و عاشقۍ وته نمط شي 06 جاودانه خوښي دا ده په جهان کې چې دې زړه دعشق په کار کې منسبط شي 07 ښايسته ياران مې هسې ملک ته لاړل چې نه ځای دپيغامونو نه يې خط شي 08 د خپل يار وتېغ ته سر کښېږده خوشاله! د قلم خوبي هاله گڼه! چې قط شي Dictionary meaning × Headword
