غزل د الف غوندې يې ته په قامت سم کړې Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د الف غوندې يې ته په قامت سم کړې خدای زما د زړه په سر باندې رقم کړې 02 مخ به چېرې راته سم کړې په يارۍ کې که دا خوی به تل زما له عمره سم کړې 03 دا گلزار د هيڅ گلزار سره سم نه دی چې زلفينې په سپين مخ راته خم خم کړې 04 در پوهېږم چې مې سر وته په څو يې که هزار ځله زما په سر قسم کړې 05 چې له دم سره مې کښته پورته گرځې ته په ماباندې دا چارې په کوم دم کړې 06 هم دې ووژلم پخپله، هم بيا گوره بيا په ما باندې ټټر وهې، ما تم کړې 07 چې په زړه مې گرځېدې هغه خبرې کور په کور په هر ديار خورې عالم کړې 08 د هجران ورځې چې کښې په شمار د عمر د قضا کاتبه! عدل، که ستم کړې 09 چې و يار وته مې تل غندې رقيبه! څه په دا به د يار مهر له ماکم کړې 10 چې دې سر تر پايه درست په غم کې لېو کړم راته وايې اوس خوشال اوسه، څه غم کړې Dictionary meaning × Headword
