غزل د بلبل له حاله زده کړه په خزان کې Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 د بلبل له حاله زده کړه په خزان کې بيا دگلو ننداره کړه په بوستان کې 02 څو دي تېره تلخايي تر ستوني نه شي شېريني به خوند در نه په دهان کې 03 ما په هجر کې لذت د وصال بياموند له يوسفه ملاقي شوم په زندان کې 04 لکه متن له معنو ، معنی له متنه يار هم هسې دی زما په دل و جان کې 05 عاشقي اسانه مه گڼه خبر شه سربازي ده هر نفس په دا ميدان کې 06 د ناتوان له توانيه ووېرېږه! که هزار ځله توانايي په خپل ځان کې 07 هم هغه به پس له مرگه ازارېږي هر چې بل ازاروي په دا جهان کې 08 په رحمان باندې بې ياره هسې حال دی لکه حال د زندانيانو په زندان کې Dictionary meaning × Headword
