غزل د بلبل له حاله زده کړه په خزان کې رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 د بلبل له حاله زده کړه په خزان کې بيا دگلو ننداره کړه په بوستان کې 02 څو دي تېره تلخايي تر ستوني نه شي شېريني به خوند در نه په دهان کې 03 ما په هجر کې لذت د وصال بياموند له يوسفه ملاقي شوم په زندان کې 04 لکه متن له معنو ، معنی له متنه يار هم هسې دی زما په دل و جان کې 05 عاشقي اسانه مه گڼه خبر شه سربازي ده هر نفس په دا ميدان کې 06 د ناتوان له توانيه ووېرېږه! که هزار ځله توانايي په خپل ځان کې 07 هم هغه به پس له مرگه ازارېږي هر چې بل ازاروي په دا جهان کې 08 په رحمان باندې بې ياره هسې حال دی لکه حال د زندانيانو په زندان کې د قاموس مانا × اصلي کلمه
