غزل دا چجې وايي چې ډېر مهر په پلانۍ کړې Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 دا چجې وايي چې ډېر مهر په پلانۍ کړې په يارۍ دې رضا نه ده بهانې کړې 02 ستا وصال په دعا غواړم، نه يې مومم ما په ډېر ورتله راتله ستړي ستانې کړې 03 زه دې ستا په کوی کې ومرم، شانه تراشې! گوندې هډ مې تورو زلفو ته شانې کړې 04 زړه مې ستا وتېر ته نخښه ده قتالې! پرې به کله جوړ د غشيو پرخانې کړې 05 چې جمال وته دې گورم حيرانېږم خدای په ما باندې يوسف د زمانې کړې 06 سحر گر په سحر تورې اوبه پرڼ کا تا زما اوښکې په مخ دانې دانې کړې 07 زه چې شونډې ستا په شونډو باندې کښېږدم وايم نوشې مې د ميو پيمانې کړې 08 زما زړه لکه مزری و خاوند خدای مې ستا د سترگو و هوسيو ته ژانې کړې 09 د خوشال په دود به ستا ورته پراته وي چې په پښو يې ستا د زلفو زولانې کړې Dictionary meaning × Headword
