غزل دا چې وايي چې دا بد کړې يا دا ښه کړې Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 دا چې وايي چې دا بد کړې يا دا ښه کړې که رښتيا وايم زه نه يم، واړه ته کړې 02 چې په بين الاصبعين زه خبردار شوم په لحظه لحظه کې څه چارې په زړه کړې 03 په خطا باندې عطا، په طاعت قهر چې په وهم، فهم نه وي هغه وکړي 04 دا چې اوس و واړو خلقو ته رسېږي چې دې کړي په ازل دي هغه کړه کړې 05 د هر چا په باب چې شوي هغه کېږي په هيڅ رنگ به خپل مبرم حکم نور نه کړې 06 چې بېگاه ډکې په شهدو په شکر وي په سبا د هغو خولو خاورې په خوله کړې 07 چې هر دم د العطش نارې وهينه په ساعت يې د مقصود په رود اوبه کړې 08 په يوه مځکه يوه باغوان کرلي عباسي گلونه زېړ و سپين و سره کړې 09 د سهر گټنه ډېره تر هر څه ده ځينې ځينې ورته ويښ ځينې اوده کړې 10 چې په تور ويښته مغرور په خپل پرهېز شي د صنعان غوندې يې خوار په سپين ويښته کړې 11 آلوده لړلی درغی درگاه ته هيڅ مې نه زده چې به حال د خوشال څه کړې Dictionary meaning × Headword
